Skotse Nasionale Party

Skotse Nasionale Party Scottish National Party Pàrtaidh Nàiseanta na h-Alba Scottis Naitional Pairtie
SNP
Leier	John Swinney
Gestig	1934
Samesmelting van	National Party of Scotland, Scottish Party
Hoofkwartier	Gordon Lamb House, 3 Jackson's Entry, Edinburg, EH8 8PJ
Studentevleuel	Federation of Student Nationalists
Jeugvleuel	Young Scots for Independence
Ideologie	Skotse onafhanklikheid, Skotse nasionalisme, sosiale demokrasie, Burgerlike nasionalisme
Internasionale affiliasie	European Free Alliance
Amptelike kleure	Geel en lila
Webblad	snp.org

Die Skotse Nasionale Party (SNP; Engels: Scottish National Party; Skots-Gaelies: Pàrtaidh Nàiseanta na h-Alba; Skots: Scottis Naitional Pairtie) is 'n sosiaal-demokratiese politieke party in Skotland wat die Skotse onafhanklikheid van die Verenigde Koninkryk nastreef.

Die SNP is in 1934 gestig en is sedert Winnie Ewing se baanbrekende oorwinning in die Hamilton-byverkiesing in 1967 ononderbroke in die Parlement van die Verenigde Koninkryk verteenwoordig.

In die algemene Skotse verkiesing van 2007 het die SNP vir die eerste keer die sterkste politieke party in die Skotse parlement geword en 'n minderheidsregering onder leiding van Alex Salmond as Eerste Minister gevorm. Ná die volgende verkiesing in 2011 kon die SNP danksy 'n groot stemverskuiwing 'n meerderheidsregering vorm – die eerste sedert die heropening van die Skotse Parlement in 1999.

Die SNP is tans met 44 van altesaam 59 Skotse setels in die Britse Laerhuis verteenwoordig. Die SNP is daarnaas ook die sterkste politieke groepering in Skotland se plaaslike administrasie en vorm twaalf van altesaam 32 Council Area-regerings in koalisie met ander partye.